خليك معايا

ولا أي كلمة حب إتقالت في يوم ما بين اتنين

تسوى حلاوة كلمة منك قلتهالي

عيد كده قلت ايه تاني و تالت .. أنا قلبي كله حنين

ولا يطفي ناره حبيبي غير لو عيدتهالي

عارف بتعمل فيا إيه كلمة حبيبي

زي اللي أول مرة بيحس بأماااااان

خليك معايا .. خليك معايا يا حبيبي مهما كان

خليك معايا .. يا حلم عمري اللي في خيالي من زمان

رن صوته الناعم الى بحبه جدا بكلمات جامده موت وبلحن تحفه ياخدك بعيييييييييييد ... خليك معايا .. خليتنى فكرت شوية ان الكلمه دى عامله زى اعلانات موبينيل .. كلمه بسيطه وليها معنى كبير .. بس بدل ما هقولك اتكلم من القلب هقولك حبها مش بس من القلب .. حبها بقلبك وبعقلك وبروحك حبها بكل ما فيك

لو اى اتنين بيحبوا بعض فعلا يقدروا يعدوا بحبهم لابعد حد .. لو عرفوا يتفاهموا هيقدروا يقفوا ضد اى مشكله ممكن توقفهم

وياريت لو كل واحد فيهم حاول يرضى التانى ويفكر ايه الى بيدايقه وميعملوش ويستحمل عشانه شويه ... بس التانى برده يعنى مايسوقش فيها عشان لكل انسان طاقه ولكل واحد صبر لو نفذ مش هيبقى حبيبك وقتها .. هيتحول ممكن يبقى الكونت دراكولا وده اكيد احنا مش عايزينه

عارف انت اجمل حاجه تفرح الواحد هي ايه ؟؟

ان اللي ياما حلمت بيه تلاقيه حبيبك

وانا عشت بحلم باللحظة دي ده اللي بدوّر عليه

أنا اسيب حياتي و دنيتي و لا يوم أسيبك

عارف بتعمل فيا إيه كلمة حبيبي

زي اللي أول مرة بيحس بأماااااان

خليك معايا .. خليك معايا يا حبيبي مهما كان

خليك معايا .. يا حلم عمري اللي في خيالي من زمان

فعلا مكذبش عمرو لما قال ان احلى حاجه انك تلاقى كل الى بتحلم بيه فى حبيبك .. واحلى لحظه فعلا يوم ما تقابله وتلاقيه قدامك .. مكنتش مصدق نفسى وقتها .. وعقلى كان منبهر لانى كنت بقول مش هحب تانى ومش هلاقيها بعد كده

لما اى اتنين بيحبوا بعض بيتقابلوا فى الاول .. غالبا - انا بقول غالبا مش دايما - بيكونوا هما الاتنين مش شايفين اى حاجه حلوة فى الحياه بس لما بيحبوا بعض كل حاجه بتتحول للاحلى .. عمرك فكرت ايه هو السبب؟

عشان كل واحد فيهم بيحاول انه يمد التانى بالطاقه الى تخليه يحب حياته وهو معاه .. عشان كده احنا قادرين نقابل حياتنا بكل ارفها ومشاكلها واحنا لسه بنحبها .. بتكون حوالينا مشاكل بس لسه عارفين نحب .. عارفين ؟؟ اقولكم حاجه ؟؟؟

كل ما بتقابلنا مشكله ونعدى منها بحس ان حبنا بيزيد اكتر وكل ما بيزيد علينا الضغط من اى حاجه كل ما بيكون صعب اوى تفرق بين اتنين تفكيرهم واحد وهدفهم انهم يخلوا بعض مبسوطين

خليك معايا .. خليك معايا يا حبيبي مهما كان

خليك معايا .. يا حلم عمري اللي في خيالي من زمان

خليك معايا .. خليك معايا يا حبيبي مهما كان

خليك معايا .. يا حلم عمري اللي في خيالي من زمان

انا عايز اقولها حاجه "انا كده يعنى " وهى اكيد فاهمه يعنى وخليكى معايا على طول وانا مش هسيبك ابداااااااا

خليك معايا .. خليك معايا يا حبيبي مهما كان

خليك معايا .. يا حلم عمري اللي في خيالي من زمااااان

عمرو دياب

France

البوست الاول

بسم الله الرحمن الرحيم وهنبدأ الليله

تيرارارار تيرارارار

ـــــــــــــــــــــــــــــــــــــــــــــــــ

احنا مين ؟

بنت وولد انتيم جدا ممكن نكون صحابك وانت مش عارف وممكن نكون جيرانك وانت مش واخد بالك احنا مش هنقول لحد دلوقتى عشان احنا عاملينها مفاجأة .. استناها فى 1 /8 الجاى دة

بلوج ليه ؟

مزاجنا كده .. انت هتشاركنا ولا ايه ؟؟ حلوة دى ... لا .. الموضوع كله اننا اول حاجه عايزين مكان يبقى بتاعنا احنا بس هنكتب فيه حاجات من حياتنا عشان تبقى شاهد على كل يوم شفناه مع بعض .. والحاجه التانية عاملينه مفاجعه لصحابنا لما يعرفوا ان احنا احنا :]

ممنوع

اولا انت منورنا بزيارتك وياريت تكررها كتيييييير بس البلوج دة ممنوع على كل متشاءم او نكدى او ممل او حشرى وبتتدخل فى الى مالكش فيه .. اذا انت مش بتشوف غير الوحش بس ومش شايف النص الحلو .. ممنووووووووع .. على فكرة حياتنا مش وردى يعنى احنا كمان بنقابل مشاكل كتير بس عارفين نعيشها بالحب

اعتراف

حبيبى .. تشهد الناس كلها وربنا قبل اى حد انى بحبك اكتر من روحى وانى هعيش معاك حياتى كلها طول مانت جمبى وعمرى كله هخلص ليك وعمرى كله هفضل شايفاك احلى حاجه فيا

وانا بجد يا توتا لحد اخر نفس يخرج مني حفضل احبك و مهما كانت الظروف مش حسيبك و اعمل اي حاجه علشان اشوفك مبسوطه وطبعا عشان خاطرك هبيع ورد فى الاشارات انا عارف

Our wedding invitation

استنوها قريب .. مش قريب اوى يعنى :)